Administration

Te maharaa o te taime fārerei ei te apora’a oire no TAIARAPU-OUEST i roto i te mau ekalesia.

⛪🧡 ÈTĀRĒTIA POROTETANI MĀÒHI I TEAHUPO’O – 11/01/2024

🌺🧡 I napo ra, ua farii te mau Tiatono i te mau mero apora’a oire. Ua haamata te pureraa i te hora hitu na roto i te reo himene, te pure. Na te mau UI API (3), te Tiatono TA’ITO’A TANE VAHINE i tai’o te haapiiraa e na te OROMETUA i horo’a mai te tumu purau.
⛪📖 Te tapa’o faufaa no te tumu parau o te haapiiraa : Te tautururaa mau ia vetahi e.
▫️PAPA MAO’HI – Pehepehe no Henri HIRO « Oihanu e, Oihanu e,
Toro mai te Roma, fārerei tāua,
Mai haere tāua e fārerei i to òe ao e i to ù ao,
E tià faahou tāua, ia hōê o tāua aho,
E tià faahou tāua, ia hōê o tāua taahiraa,
E tià faahou tāua, ia hōê o tāua vārua. »
▫️PAPA’IRAA MO’A – « Haere atura i pihai iho, ua niinii ihora i te hinu e te uaina i roto i te mau puta no’na; vehî ihora, e haparahi atura ia’na i nia i tana iho puaa, aratai atura ia’na i te fare tipaeraa, utuutu atura ia’na. » (Ruta 10,34)
▫️MANAÒ TAUTURU – Te auraa faufaa, e faaroo rahi to teie taata Tāmāria, i to teie nā taata, te âti-Rēva e te Tahuà, oia hoi nā aratai faaroo âti-Iuta.
🧡🌺 Ua horoahia te ho’e taime i te Tavana oire no TEAHUPO’O, TUPANA-POAREU Roniu o te paturu te tumu parau.

Ua ani manihini oia te amuiraa ia pure tamau te Atua ia haamatai mai i te oire e i te mau huiraatira. Ua horo’a atoa oia i te ho’e irava hopea – « O Iehovah to’u tiai, e ore roa vau e ere. » (Salamo 23,1)
🕊️❤️ Ia matai e ia oaoa i teie matahiti api 2024.

📸👇E ite òutou te mau hoho’a i te maharaa o te taime fārereiraa