Administration

Te paeraa o te taime fārerei ei o te Tavana Oire e tana mau mero apora’a oire no TAIARAPU-OUEST i roto i te mau ekalesia.
⛪🧡 ÈTĀRĒTIA POROTETANI MĀÒHI I VAIRAO – 14/01/2024
🌺🧡 I te hora ahuru, ua farii te mau Tiatono i te Tavana Oire no TAIARAPU-OUEST e tana mau mero apora’a oire. Ua haamata te pureraa na roto i te reo himene, te pure. Na te mau Tiatono i tai’o te haapiiraa e na te OROMETUA i horo’a mai te parau tumu.
⛪📖 Te tapa’o faufaa no te tumu parau o te haapiiraa : te Hoeraa, te aau Tauturu e te Aroha.
PAPA MAO’HI – « Ia tauturu te tahi e te tahi i te hāmaniraa i to òutou mau fare »
PAPA’IRAA MO’A – « Ua parau maira oia, O tei aroha ia’na ra. Ua parau atura Iesu ia’na, E haere òe, nā reira atoà » (Ruta 10,37)
MANAÒ TAUTURU – Haere e faatià, e patu i te faaroo o te Māòhi. Ia àma faahou te faaroo Māòhi mau o te nūnaa Māòhi. Oia hoì, te faaroo e ìte ai o ia i te marū, te hau, te ruru e te òaòa i roto i to na mēharo. Na tātou e te mau arataì i te faaroo, e te faaroo, e tauaro atu ia rātou i te here e te aroha.
🧡🌺 Ua horoahia te ho’e taime i te Tavana Oire o te paturu te tumu parau.
Teie to’na mana’o: « I te matahiti 2023, ua oti titahi mau ohipa i opuahia e te oire. Te toe’a e faaotihia i teie matahiti.
Ua ani manihini mai oia ia taho’e te huiraatira no TAIARAPU-OUEST e te apora’a oire. »
🕊️❤️ Ia oaoa i te taatoaraa i teie matahiti api 2024.
📸👇E ite òutou te mau hoho’a i te paeraa o te taime fārereiraa 😉